Cruceiro del Santísimo

O cruceiro levántase sobre unha plataforma de dous banzos; o primeiro deles enterrado; en cima deles, un pedestal cúbico coas arestas superiores moi rebaixadas. Co sol pódense apreciar restos nun dos lados que hoxe resultan ilexibles.  A columna eseña tres tipos de seccións: cadrada no comezo, octogonal e despois do fuste é cilíndrica no extremo superior. Está revestida dunha fina capa de cemento, posta seguramente para cubrir a deterioración da pedra. O capitél é prismático, coas esquinas en chaflán e os lados curvos. A cruz non é a orixinal do cruceiro, esta que ten agora priocede das Eiras, ao parecer do remate dun canastro, doada por un veciño dese lugar que reside en Anceu. É de sección rectangular, presenta no centro un rombo en substitución cun moldura lisa ao rededor. O pousadoiro, de esquinas frontais arredondadas, sostense encima de dous pés moi robustos, recubertos con cemento