Convento de San Diego de Canedo

Sobre o antigo pazo dos Sarmiento, que data do século XV, os franciscanos empezaron no s. XVIII as obras de ampliación e adaptación do mosteiro. Primeiro rematouse a igrexa e a continuación remodelouse o pazo para convertelo en convento. O claustro é moi sinxelo e de reducidas dimensións. Foi concluído segundo obsérvase en inscricións, entre 1784 e 1785. Do edificio primitivo aproveitouse a pedra, algúns muros e a porta principal do s. XVI. Artisticamente falando, destaca a igrexa conventual. Construída en 1777, presenta planta de cruz latina e tres naves. As cubertas da nave central e laterais son de bóveda de crucería e de bóveda de canón, respectivamente. Posúe un cruceiro de planta cadrada cunha cúpula esférica con lanternas sobre pechinas. Doutra banda, destaca a cachotería nos seus muros, fóra da fachada. Os escudos incorporados nos muros do convento e a portada da igrexa de San Diego de Canedo pertenceron ó antigo pazo que os Condes de Salvaterra tiñan nese lugar. Todos eles presentan as armas dos Sarmiento e Soutomaior, propios destes referidos condes. O edificio no que se atopa actualmente o Convento de Canedo naceu Agustina Sarmiento, unha das meninas do universal cadro de Velázquez