Conjunto Histórico - Artístico de Baiona

O casco antigo de Baiona foi declarado Conxunto de Interese Histórico-Artístico pola Dirección Xeral do Patrimonio en 1993, coincidindo coa celebración do V Centenario da Arribada. A súa protección está contemplada no Plan Xeral de Ordenación Urbana e no Plan especial de protección do conxunto histórico-artístico de Baiona (PEPCHAB), que limita a altura dos edificios e a calidade dos materiais. Aínda que parte do casco antigo está situado entre O Burgo (península de Santa Marta) e Sabarís, o núcleo principal está radicado no centro do municipio e ocupa un círculo case pechado. Baiona é sinónimo de bo porto, o primeiro de moitos momentos da historia xa que foi testemuña da primeira noticia do descubremento de América trala chegada da Carabela Pinta. As rúas empedradas deste conxunto mostran numerosos caseróns señoriais coma o Pazo Correa do século XVIII que actualmente alberga ó concello da vila, e templos como a Ex-Colexiata de Santa María do século XIII con aspecto fortificado e estilo oxival románico. Este conxunto ten tres entradas: pola praza de Santa Liberata, pola praza do Padre Fernando e dende o Cruceiro da Trinidade que data do século XV