Casa de la Navegación

Situado en pleno Conxunto Histórico Artístico da vila de Baiona, na coñecida Casa Carvajal, a Casa da Navegación de Baiona é unha institución municipal que alberga unha colección que mostra a evolución histórica, urbana e social da Real Vila, destacando as privilexiadas relacións comerciais que mantivo con Europa e América e o papel transcendentral que xogou o seu porto na historia da navegación atlántica. Esta colección permite coñecer o legado histórico a través da exposición de fondos propios, documentación antiga que atesoura o seu arquivo histórico, e outros relacionados coa vila, depositados e custodiados noutras institucións museísticas, pezas recuperadas procedentes das intervencións arqueolóxicas e subacuáticas no término municipal de Baiona e a súa liña costeira, e da cesión de pezas, documentos e portulanos pertencentes a coleccións particulares