Unha opción perfecta que une diversión, adrenalina e turismo ao aire libre

O turismo e o deporte provocan sensacións parecidas: póñente a proba, obrígante a superar etapas e esixen preparación e planificación para garantir o éxito. Cada vez son máis as e os viaxeiros que combinan ambas as dúas actividades e practican exercicio á vez que descobren paraxes naturais descoñecidas.

A escalada e o barranquismo son dúas opcións moi apetecibles que permiten ademais gozar en familia, sempre que se elixan as zonas adecuadas. Nas Rías Baixas hai varias empresas que organizan rutas con guías especializadas e que facilitan a práctica desta actividade que mestura diversión, adrenalina e turismo.

Anímate a gozar da provincia desde un novo punto de vista. Só necesitarás roupa cómoda e axustada coa que te desenvolver ben dentro dun arnés, no caso da escalada, e calzado cómodo para moverte por unha parede sen problemas de adherencia e con total seguridade. O punto chave destas modalidades deportivas é dispoñer dunha cuadrilla que te acompañe.

Principiantes e profesionais atoparán na provincia empresas con experiencia que proporcionan os materiais e recursos necesarios para experimentar en paredes de exterior. As montañas de Silleda, O Porriño ou Vigo e litorais únicos como a Costa da Vela serán algunhas das vistas que te levarás de recordo se te animas a escalar nas Rías Baixas.

Principiantes e profesionais atoparán na provincia empresas con experiencia para practicar en paredes de exterior

No caso do barranquismo, unha das súas mecas atópase en Ponte Caldelas, no canón do río Verdugo, un dos barrancos máis completos de Galicia, de tres quilómetros de lonxitude que inclúe tres fervenzas, rápidos e pozas de augas cristalinas. Máis ao sur da provincia atopámolo canón da Luneda, en A Cañiza. A ruta segue a canle dun afluente do río Deva e permíteche ver varias fervenzas nun ambiente de gran beleza. Conta con rappels, saltos, rápidos e un fermoso tobogán, apto para comezar en barranquismo.

No caso do barranquismo, unha das súas mecas está en Ponte Caldelas, na foz do río Verdugo, un dos barrancos máis completos de Galicia, con tres quilómetros de percorrido que inclúen tres cascadas, rápidos e pozas de auga cristalina. Más ao sur da provincia atopámonos coa foz de Luneda, na Cañiza. A ruta segue o leito dun afluente do río Deva e permite coñecer varias fervenzas nunha contorna de gran beleza. Conta con rápelles, saltos, rápidos e un fermoso tobogán, adecuados para iniciarse na práctica do barranquismo.

E seguimos descendendo cara ao sur da provincia para descubrir o barranco de Rego da Cal, no Concello do Rosal. Esta ruta iníciase preto dos muíños do Folón e do Picón, e discorre por un afluente do río Tamuxe. Está considerada de nivel medio e inclúe varios rápelles sinxelos, algúns saltos e tobogáns naturais ao longo de dous quilómetros.

Finalmente, tamén se pode practicar barranquismo con guías no río Almofrei, en Cotobade, e no río Cadavosa, en Cerdedo. En ambos os dous casos trátase de rutas familiares, que se poden facer con nenos e nenas a partir de 10 anos.

Consulta a lista de empresas especializadas en turismo activo na provincia.