Romería de Santa Marta de Ribarteme

Celebrada cada 29 de xullo na parroquia de San José de Ribarteme. Festivo local. Unha vez finalizados os actos relixiosos en honra a Santa Marta, as campás da igrexa soan, dando o toque de saída para os féretros que se dirixen cara ao cemiterio máis próximo, desde onde regresarán en procesión ata o punto de partida, mentres a xente canta as salmodias %ou201CVirxe Santa Marta, estrela do Norte, traemos-che vos que viron a morte%ou201D. Esta peculiar celebración é coñecida mundialmente polo estraño modo que teñen os devotos de realizar as pormesas relixiosas. Cando algunha persoa padeceu ou padece algunha enfermidade grave ou pasou ela mesma ou algún familiar ou achegado por unha situación na que a súa vida correu perigo, os devotos déixanse levar pola súa fe e encoméndanse  esta Santa para que lles salve. A rareza das promesas reside en que para realizalas, as persoas introdúcense nos cadaleitos, vivas, e percorren deste xeito o trazado da procesión.  No caso dos nenos, os cadaleitos sempre van baleiros, aínda que hai constancia de que antigamente os cadaleitos infantís eran transportados polos mesmos nenos. A procesión é seguida por outros penitentes que, en caso de non querer ser transportados en cadaleito, cobren as súas roupas cunha gasa branca e camiñan portando unha vela tras a imaxe da Santa que tamén acompaña aos féretros durante a procesión. Santa Marta leva a man dereita alzada en sinal de protección cara a aqueles que conseguiron escapar da morte, feito que os fieis compensan achegando diversas ofrendas económicas. Na procesión acompañan a Santa Marta tamén San Benito e a Virxe da Carmen