Vías Atlánticas - Vías romanas

Esta vía romana, tamén coñecida como itinerario de Antonino (Bracara Augusta - Lucus Augusti), datada no século II d.C. comunicaba os conventos xurídicos fundados por Roma e unía as cidades de Braga e Lugo, que eran a vía máis longa do noreste peninsular, con preto de 500 quilómetros. As vías romanas eran as vías de comunicación que o Estado Imperial Romano construiu para articular o territorio e unir as capitais dos diferentes Conventus luridici (capitais administrativas da época romana). Estas "estradas da Antigüidade" actuaron coma un importante pilar e factor de dinamización socio-económico e comercial, ó tempo que cumpriron outras moitas funcións: estratéxico-militares (defensa, transporte de tropas), fiscais (recaudación de tasas e control de mercancías e persoas, etc...), e contribuiron a reodear o territorio. Comunicaban as cidades fundadas polo Emperador Augusto en Gallaecia, Bracara Augusta (Braga) e Lucus Augusto (Lugo), alongándose ata Asturica Augusta (Astorga), coa finalizade de proveer as tropas asentadas no noreste da península ibérica de produtos de primeira necesidade (trigo, viño, salados), dándolle un importante valor comercial. A Vía Romana ó seu paso por Pontevedra, dende Tui a Pontecesures pode levarse a cabo en 4 etapas: 1ª etapa: Tui - Redondela 2ª etapa: Redondela - Pontevedra 3ª etapa: Pontevedra - Caldas de Reis 4ª etapa: Caldas de Reis - Pontecesures