Santuario de la Virgen Peregrina

O Santuario da Peregrina foi construído a partir de 1778, no centro histórico de Pontevedra. Foi declarado Monumento Histórico-Artístico en 1982 e mestura un barroco tardío con formas neoclásicas, como o seu retablo maior, erixido en 1789. Trátase dunha das edificacións máis simbólicas e relevantes da cidade e está dedicada á Virxe que, segundo a tradición, guiaba ós peregrinos desde Baiona ata Santiago de Compostela. A imaxe da Virxe Peregrina, do s. XIX, é a patroa da provincia de Pontevedra e do Camiño Portugués. Ten planta de forma de cuncha de vieira, símbolo dos peregrinos do Camiño de Santiago, e dentro dela inscríbese unha cruz. No seu interior pódese observar unha pila para a auga bendita en forma de cuncha de molusco traída do Pacífico por Méndez Núñez. A imaxe que preside o altar foi traída por peregrinos franceses que realizaban o Camiño de Santiago