Pazo los Escudos
Pontevedra
Avenida de la Atlántida, 106
36208 Vigo Pontevedra
España
O actual pazo, situado na Finca Miramar, antigamente coñecíase como pazo de Sensat. Aínda que a súa construción parte dos restos dun pazo do século xix, o actual data dos anos corenta e foi deseñado polo arquitecto Antón Román Conde, pero mantén elementos característicos dos pazos galegos. O seu maior atractivo son os 101 brasóns heráldicos esparexidos polos seus xardíns e muros ameados, que compoñen a maior colección de escudos nobiliarios de Galicia.
Os xardíns están rodeados por un muro ameado e contan con diferentes fontes, pequenos conxuntos escultóricos e un pombal granítico de planta circular que mantén a mesma decoración que a fachada do edificio principal, cun tellado rematado nunha esfera de granito. Desde o ano 2005 o edificio acolle un hotel de cinco estrelas.
