Palacete das Mendoza
Vilagarcía de Arousa
Plaza de Santa María, s/n
36071 Pontevedra Pontevedra
España
O Palacete das Mendoza é un edificio ecléctico construido a finais do século XIX. O seu autor, o arquitecto Alejandro Rodriguez Sesmeros, foi o artífice desta construción de inspiración francesa, entre outros edificios tan emblemáticos como a Casa Consistorial (1877) onde actualmente se ubica o concello, e o pazo da Deputación de Pontevedra (1883).
Este Palacete estuvo vinculado dende a súa construción a unha familia de Pontevedra moi recoñecida, os Méndez Núñez. Foi construido por mandato de Soledad que era irmá do almirante D. Casto (heroe da Batalla do Callao). Este cedeu despois a casa a Carmen Babiano, que era a filla da súa irmá Clara, pasando máis tarde a propiedade das súas sobriñas-netas María e Concepción Mendoza Babiano, sendo estas as últimas en ocupar a casa como residencia privada no ano 1971.
O Palacete das Mendoza foi un lugar da alta sociedade pontevedresa da época, e lugar de reuni´ns de visitantes ilustres que viñan á cidade.
O inmoble conta cun lucernario no teito do patio central do edificio que foi deseñado polo artista coruñés Gerardo Porto, e elaborado nos talleres de Van Tetterode de Amsterdam, cando o edificio era propiedade de Caja Madrid.
Dende o ano 2004 o Palacete das Mendoza é sede do servizo de turismo da Deputación de Pontevedra, e conta con Oficina de Turismo na súa planta principal para acoller aos visitantes e unha sala de exposicións no seu sótano, dandolle a continuidade ó legado cultural do inmoble.
