Jardines del Pazo de A Saleta

O xardín do Pazo da Saleta atópase en pleno corazón da comarca do Salnés. O terreo inicial foi adquirido por Margaret e Robert Gimson, un matrimonio británico, que creou este xardín de estilo inglés a partir do ano 1968 con especies procedentes de todo o mundo, coa axuda da arquitecta paisaxística Brenda Colvin. O xardín posúe multitude de plantas do hemisferio sur, especialmente procedentes de Australia, Nova Zelandia, Sudáfrica e do afastado oriente, e alternaron árbores autóctonas con esas variedades orientais. O xardín da Saleta conta cunha das coleccións botánicas privadas de España máis importantes, segundo o Comité Español do Programa Hombre e Biosfera da Unesco. En 1996 unha parte da leira foi adquirida pola familia Rodríguez Coladas, que se ocupou da restauración do pazo e da capela, e continuou coa conservación e o incremento de especies do xardín, seguindo a filosofía de Robert e Margaret Gimson. De todo este traballo o resultado é unh xardín botánico absolutamente único en Galicia con especies de todo o mundo. O xardín, ademáis, forma parte da Ruta da Camelia e, na actualidade, é visitable, con cita previa e sen necesidade de formar un grupo. As visitas son guiadas e son realizadas pola propietaria do xardín, con explicacións botánicas. Tamén ofrecen a posibilidade dunha visita científica, de maior coste e duración, a través do inxeñeiro agrónomo Xesús Fernández. O xardín ten a distinción Sicted de Compromiso de Calidade Turística renovada anualmente. Decladrado Xardín de Excelencia Internacional pola Sociedade da Camelia