Premios Turismo Rías Baixas
Os Premios Turismo Rías Baixas nacen co obxectivo de recoñecer e poñer en valor o talento, a innovación e o compromiso das persoas, empresas e entidades que contribúen ao desenvolvemento turístico da provincia de Pontevedra. Impulsados polo Servizo de Turismo da Deputación de Pontevedra, estes premios distinguen iniciativas exemplares que axudan a construír un destino máis sostible, competitivo e auténtico.
A través destes premios búscase destacar proxectos e profesionais que apostan pola excelencia turística, a innovación, a calidade na atención ás persoas visitantes e a creación de experiencias con impacto positivo no territorio e na comunidade local.
Un recoñecemento ao mellor do turismo da provincia
Os premios teñen carácter honorífico e entregaranse o 28 de maio nun acto que reúne ao sector turístico provincial para celebrar o esforzo, a creatividade e a capacidade transformadora do destino. Ademais do recoñecemento institucional, as candidaturas premiadas contarán cunha importante difusión a través das canles oficiais e redes sociais de Turismo Rías Baixas.
Categorías dos Premios Turismo Rías Baixas
Premio ao mellor proxecto de turismo responsable
Recoñece iniciativas que destacan polo seu compromiso coa sustentabilidade ambiental, o impacto positivo no territorio, a desestacionalización e a implicación da comunidade local.
Premio á innovación en turismo
Premia proxectos que incorporan novas ideas, tecnoloxías ou solucións innovadoras capaces de mellorar a competitividade, a eficiencia e a experiencia turística.
Premio ao mellor proxecto municipal
Dirixido a concellos e entidades locais que desenvolvan accións transformadoras para fortalecer a identidade, a promoción e a competitividade turística do destino.
Premio á mellor oficina de turismo da Rede INFO RIASBAIXAS
Recoñece a excelencia na atención ás persoas visitantes, a profesionalidade dos servizos e a aplicación de ferramentas innovadoras na información turística.
Premio á mellor persoa informadora turística
Destinado a profesionais que destacan pola súa capacidade de comunicación, coñecemento do destino, atención personalizada e compromiso coa mellora continua.
Premio á traxectoria turística
Pon en valor a experiencia, dedicación e contribución continuada de profesionais e empresas ao crecemento e desenvolvemento do sector turístico.
Premio ao recurso ou experiencia turística máis destacable nas redes sociais
Recoñece aqueles recursos, espazos ou experiencias que acadaron maior impacto e interacción nas redes sociais oficiais de Turismo Rías Baixas.
Como participar nos Premios Turismo Rías Baixas
As candidaturas aos Premios Turismo Rías Baixas deberán presentarse obrigatoriamente por vía electrónica a través da Sede electrónica da Deputación de Pontevedra. Poderán participar entidades locais, empresas turísticas, profesionais do sector, oficinas de turismo da Rede INFO RIASBAIXAS e outras entidades vinculadas ao turismo.
Prazo de presentación
O prazo para presentar candidaturas será de sete (7) días hábiles, contados a partir do día seguinte á publicación oficial das bases.
Como presentar a candidatura
As solicitudes deberán tramitarse mediante a instancia xenérica dispoñible na Sede electrónica da Deputación de Pontevedra:
